Somaliland247's Blog

March 13, 2011

Dawlada Denmark Oo Sheegtay Inay Toos Ula Shaqayn Doonto Ciidamadda Ilaalada Xeebaha Somaliland


Like This!

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

Add to Google Buzz

Dawlada Denmark Oo Sheegtay Inay Toos Ula Shaqayn Doonto Ciidamadda Ilaalada Xeebaha Somaliland

Nairobi – Dawlada Denmark ayaa sheegtay inay kor u qaadayso iskaashiga horumarinta ee ay la leedahay Somaliland, waxaanay balan qaadeen inay toos ula shaqayn doonaan ciidanka ilaalada xeebaha oo ka taageeri doonaan sidii loo xakamayn lahaa budhcad badeeda ka jirta xeebta gacanka cadmeed oo ay aafayso budhcad badeeda Soomaalidu.

Sidaasi waxa dawlada Denmark ka sheegtay kulan ay magaalada Nairobi ku yeesheen Wefti ka socday dalkaasi iyo wefti uu hoggaaminayay Guddoomiyaha Golaha Wakiilada Md. C/Raxmaan Maxamed Cabdilaahi, sida lagu sheegay war saxaafadeed ka soo baxay xafiiska Somaliland ku leedahay magaalada Nairobi oo u dhignaa sidan:-

Waxaana“Wefti heerkoodu sareeyo oo ka socda dawlada Denmark oo maalmihii la soo dhaafay booqasho rasmi ah ku joogay dalka Kenya, oo ay ugu kuur galayaan, daraasadna ka diyaarinayaan sidii ay macluumaad iyo xog buuxda uga heli lahaayeen dalalka Africa ee ay ka taageeraan dhanka horumarinta iyo amniga.

Waftigan oo ka kooban toban Xubnood, waxa hoggaaminaya Ku Xigeenka u qaybsanaha Horumarinta ee Afrika ee dawlada Denmark Mr. Avders Fribolo ayaa maanta xafiiska Somaliland ku leedahay dalka Kenya kulan kula yeeshay wefti ka socday Somaliland oo kala ahaa Guddoomiyaha Golaha Wakiilada Somaliland Md. Ca/Raxmaan Maxamed Cabdilaahi (Cirro), Wasiir Ku Xigeenka Waxbarashada Md. Cali Xaamud Jibriil, Wakiilka Somaliland ee dalka Kenya Md. Maxamed Axmed Nuur (Indho-buur) oo metalayay wasaarada Arrimaha dibada iyo ku xigeenkiisa Md. C/Casiis Axmed Karaani.

Xubnaha Weftigan Denmark waxay ka kala socdeen Wasaaradaha Cadaalada, Gaashaandhiga, Arrimaha Gudaha iyo Arrimaha Dibada ee dawlada Denmark. Shirkan ayaa lagaga wada hadlay arrimaha ay ka midka yihiin:

1.Arrimaha budhcad badeedka

2.Adkaynta nabad galyada Somaliland

3.Kor u qaadida mashaariicda horumarineed ee dawlada Denmark ka fuliso dalka Somaliland

Waxa ugu horayn weftiga ku soo dhaweeyay Xafiiska Somaliland ugana mahad celiyay socdaalkooda Wakiilka Somaliland ee Kenya Md. Maxamed Axmed (Indhabur), kadib waxaa halkaas hadal mahad naq ah ka soo jeediyay madaxa weftiga Denmark Mr.Avders oo aad ugu ammaanay Somaliland dimuqraadiyada iyo nabad galyada ay samaysay, wuxuu sidoo kale faah faahin ka bixiyay socdaalkooda ay ku yimaadeen dalka Kenya oo uu tilmaamay inay xuran u tahay deeq bixiyeyaasha ka hawlgala bariga iyo badhtamaha Afrika. Wuxuu sheegay in u yimaadeen sidii ay qiimeyn iyo rayi ururin u samayn lahaayeen waxaanu carabaabay inay balaadhinayaan mashaariicdii horumarineed ee ay ka wadeen dalal badan oo Afrika ah, isagoo si gaara u xusay in ay Somaliland aad u danaynayaan in ay ka taageeraan dhinaca horumarinta iyo waliba amminiga gaar ahaan ciiddamada ilaalada xeebaha oo uu sheegay in ay wada shaqayn toos ah la samaynayaan booqanayaana dhawaan.

Waxa isaguna halkaasi ka hadlay Guddoomiyaha Golaha Wakiilada Somaliland Md. C/Raxmaan Maxamed Cabdilaahi (Cirro) waxaanu tafaasiil ka bixiyay marxaladihii kala duwanaa ee Somaliland soo martay, waxaanu u soo bandhigay baahiyaha dalku uga baahan yahay in laga taageero.

Guddoomiyuhu wuxuu dalka Denmark ka dalbaday inay kordhiyaan dhaqaalaha iyo mashaariicda ay ka fuliyaan Somaliland.

Waxa kale oo ka hadlay shirkaasi Wasiir Ku Xigeenka waxbarashada Md. Cali Xaamud Jibriil, oo sheegay inay uga mahad celinayaan xukuumad ahaan dawlada Denmark gargaarka ay siiyaan waxaanu u soo jeediyay inay kordhiyaan mashaariicda dib u dhiska dalka.”

Leave a Comment »

No comments yet.

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: